Nis leximi i zarfit, shaka e hidhur për Ermelën

 Nis leximi i zarfit, shaka e hidhur për Ermelën
12/02/2011 22:17
 
Arbana nis që të lexojë zarfin me të eleminuarin e kësaj jave dhe banori i parë që i shpëton eleminimit është Ermela dhe pas saj edhe Algeni i shpëton eleminimit. Pas Leximit të emrit të Algenit pjesa tjetër e zarfit do të lexohet pak më vonë, ndërsa Arbana sqaron publikun se tashmë ka ardhur momenti që t'i bëjnë një shaka Ermelës. Kështu pas lidhjes me shtëpinë Arbana pyet Ermelën për ndjenjat e saj me Ervinin dhe më pas e fton të shohë një klip duke e paralajmëruar se në klip nuk është aspak diçka e mirë për të, por përkundrazi.

Në klip shfaqet Ervini në emisionin e mëngjesit në Top Channel, “Ëake-up” me një vajzë tailandeze të cilën e prezanton si të dashurën e tij. Në klip ai thotë se vajza nga Tailanda është dashuria e vërtetë për të dhe se romanca mes tij dhe Ermelës ishte thjesht një aventurë brenda shtëpisë.
Ervini ndër të tjera thotë se për Shën-Valentin do t'i bëjë dhuratë të dashurës së tij një mace të cilën do t'ia vërë emrin “Ermela”.

Pas klipit Ermela komenton dhe thotë se nuk do ta falë Ervinin edhe nëse kjo do të ishte lojë. Ajo flet edhe drejtpërdrejt me Ervinin që ndodhet në studio.
Pas disa minutave Ermelës i thuhet nëpërmjet një klipi se kjo ishte vëtëm një shaka e bërë enkas për të dhe se asgjë nuk ishte e vërtetë. Ermela vazhdon të jetë disi e mërzitur dhe i thotë Ervinit se ai duhet që ta fitojë faljen e saj në ditët që do të vijnë sepse ajo vazhdon t'i mbajë inat.